الرعايه الصحيه فى جنوب سيناء

السلام عليكم ورحمه الله وبركاته
من اول مدينه بعد النفق فى ارض الفيروز والى اخرها فى طابا تجد بها مستشفى من الخارج تشعر انك ستدخل مستشفيات السعود الالمانى
وعندما تدخل تصدم بالواقع المر وتدخل المستشفى بسؤوال واحد عن طبيب تريد ان يخفف الالامك وتخرج وراسك تنفجر من كثرة الاسئله
طبعا لان المسئولين فى المستشفى بيفضلوا يلف حولين بعض ودورو على الطبيب
وان لقو الطبيب يقولك روح اعمل تحاليل
وتساله فين يا باشا يقولك فى اى حته وتعمل اشعه كمان هنا يا باشا احتمال
وطبعا لو انت فى راس سدر هتروح تكمل علاجك فى السويس ودا يبقى ربنا كرمك
اما لوكنت من المحظوظين فى المدن حول الطور ف لسيته الطلبات اللى بيكتبها الطبيب من الفحوصات والاشعه وغيرها هتضطر تنزل مستشفى الطور العام والحمد لله هى المستشفى الوحيدة بعد شرم الشيخ اللى فيها دكاترة والمبنى حبه كبير عليهم ولكن ليس مهم وتحمد ربنا وممكن موضوعك يخلص هنا لو كانت راسك بس بتوجعك او عندك شويه مغص
لكن ياويلك
لو كان عندك حاجه اكبر
ناس تقولك انفد بحياتك واطلع على شرم وناس من داخل المستشفى تقولك انزل بلدكوا احسن
وتحلم طبعا بالمستشفى العسكرى ما انت شفتهم وهم بيفتحوة فى التلفزيون
يهمس واحد من الواقفين يقولك وفر تمن التاكسى لان المستشفى فيه جزء من القوة والتخصصات ما موجودة
ياهوووووووووووووووووووووووووووة كل المبنى دة
ويزيد الالم عندك
وتقول طيب فيه مبنى شفته وانا جاى على طريق الطور بالقرب من اسكان مبارك لشباب
اكيد دا فرع للسعود الالمانى
ويهمس فى اذنك اخر يقولك فوووووووووووووووووووووق
دامبنى الحكومه كان عندها شويه فلوس ما عارفه توديهم فين قالت نبنى حته الارض دى ولما تنهد نبنيها تانى
دا بقى محدش فيه خالص
تلطم يا حرام وتقول لسه هروح شرم يمكن يطلعوا زيهم
انا هروح الف حول الرخام وامسح راسى فيه يمكن يكون فيه مادة تخفف المى
ما انا باسمع فى التلفزيون بيعالجوا بالميه وبالشمس والهوا والزجاج يمكن نسيوا يكتبو عن العلاج بالرخام اللى على حيط المستشفيات
وابقى انا حتى استفدت من المى واتعلمت علم جديد فى الطب
وساعتها ما احتاج لاحد
واخيرا يارب انت اعلم بحالنا وغنى عن سؤالنا
حسن لينا احوالنا
وارزقنا بناس ترجو رحمتك
ولا تبغى سوى محبتك

موضوع مهم واحتمال يكون في منظر الرخام علاج نفسي للمريض واحساسه انه في مستشفي بهذا الجمال يخفف عنه الالام وان انتهي اجله ينتهي علي هذا المنظر الجميل
شكرا علي الموضوع

شكرا يا استاذ عاطف على التعليق لكن اللى انا خايفه منه الجو جنب المستشفى دى بالليل بيكون برد جدا ولا ظل كتيير واعتقد انه بياخد جرعه زيادة تنفعه يمكن ياخد جرعه برد تجيب اجله وبكدا زى ماحضرتك قلت النهايه تكون سعيدة وبجوار كل هذا الجمال وحتى ان الانسان يبعث على اخر شى كان عليه احتمال افكر اعمل مثله لكن عموما لسه ما مستعدة

لسه فيه امان يا خلق ؟؟
لسه فيه دكاتره؟؟
لسه عندنا العيان يطيب مش من رخام ولا من طبيب
ولا من علاج عند الحبيب ولا حتى لو اخد معاه رقيب

لسه فيه امان يا خلق ؟؟
لسه فيه دكاتره؟؟
كلكم بتقولو صح فين طبيب فين طبيب
ونسيتو ان الدكاتره الحيتان
عيشين فى عيد
لان لو فيه دكاتره قعدو
هيبانو بعيوب شديد
انا سئلت مره

ليه مبيقعدوش الدكاتره؟
رد واحدمنهم وقال:
طول ما فيه ظلم واهانه طول ما الكبار بيهددونا
يبقا نقعد ليه يا اخونا
احنا هنروح بلدنااحسن وبكرمتنا نمشى احسن
ان قولنا الحقيقه ياابنى هيروحونا مطرودين

لسه فيه امان يا خلق ؟؟
لسه فيه دكاتره؟؟

اكيد لسه فيه دكاترة
ولسه فيه ضمير
سيدالخلق قال الخير فى وفى امتى الى يوم القيامه
يمكن ما يكون عدد كبير
لكن البركه فى القليل
المهم يكون فيه ضمير
وزى ما تقول ياصاحبى انهم تركوا الميدان للحيتان
ورجلوا ليعيشوا فى بلدهم فى سلام
عشان يرتاحوا من القلق من المشاكل
وبكدا ترتاح الدماااااااااااااااااااغ
بلا صدااااااااااااااااااااااااع
بلاكلام ماجيب همه
بالاخير ما حدا ابدا ييشيل الا همه
الا القليل من البشر
بيشيلوا هم الخلق مع همومهم
ويمكن يسرحوا وينسوا همومهم
عشان كدا لازم احنا
ما حد غيرنا نحلم بيه يجى يشيل همومنا
وخليك متفائل
ابناء سينا على الطريق
وفى يوم اكيد راح يوصوا
وما ننتظر حدا يعدى لينا النفق
ويمكن كمان
فى اللى جاى زى العريش
نحلم بجامعه
بكليه للطب فى الجنوب
مين عارف
احلم وتفائل